Бұрын банкроттық құжаттары көбіне қағаз түрінде немесе әртүрлі жүйелер арқылы жіберілетін. Енді процестердің көп бөлігі электронды форматқа көшірілді.
Жаңа сервистер әкімшілер, кредиторлар және мемлекеттік кірістер органдары арасындағы ақпарат алмасуды жеңілдетті. 2026 жылдың басынан бастап хабарландыруларды автоматты түрде қабылдау және жариялау қосылды, рәсімдердің барысы туралы мәліметтерге және борышкерлер туралы деректерге қолжетімділік кеңейтілді.
2025 жылы әкімшілер банкроттық және оңалту туралы үш мыңнан астам өзекті мәлімет орналастырды. Жеке тұлғалар үшін де электронды құралдар дамытылуда: Qoldau жүйесінде кредиторлар шағымдарды онлайн бере алады.
Комитет рәсімдерге қатысушылармен түсіндіру жұмыстарын жүргізеді. Бұл негізсіз өтініштер санын азайтып, мәселелерді қарауды жеделдетті. Цифрландыру қағаз құжат айналымының көлемін азайтады және рәсімдерді ашық етеді.