2023 жылдан бастап «Инвестицияларға айырбас ретінде тариф» бағдарламасы жұмыс істейді. Желіні жөндеу жұмыстарының көлемі екі есе өсті. 2022 жылдан бастап шамамен 22,7 мың шақырым су құбырлары, кәріз, электр желілері және жылу трассалары жөнделді.
Бұл шаралар инженерлік инфрақұрылымның жылдық тозуын шамамен үш пайызға төмендетуге мүмкіндік берді. Сала қызметкерлерінің жалақысы саласына қарай 50–100%-ға өсті.
Монополистерге бақылау
Ведомство табиғи монополиялар субъектілеріне бақылауды күшейтті. Міндеттемелерді орындамағаны үшін 14 млрд теңге сомасына уақытша өтеуші тарифтер енгізілді. 2025 жылдың қорытындысы бойынша тұтынушыларға жылу құны қайта есептелгеннен кейін 1,6 млрд теңге қайтарылды. Бұзушылықтар үшін 900 млн теңге айыппұл салынды.
Халыққа түсетін жүктемені азайту үшін тарифтер біртіндеп өзгертіледі. Әлеуметтік маңызы бар өнімдер өндірушілері жеке жеңілдікті шарттар алады.