Бұрын Kaspi Gold пайдаланушылары Visa, Mastercard, сондай-ақ Элкарт, Uzcard және Humo карталарының иелеріне қаражат жіберген. Енді тізім UnionPay карталарымен толықты.
Қазақстан ішінде UnionPay картасына ақша аудару үшін оның нөмірін көрсету жеткілікті. Қытайға жібергенде қосымша аударым мақсатын таңдау керек, ал халықаралық аударымдар үшін алушының аты-жөнін енгізу қажет.
Сондай-ақ қосымшада басқа қазақстандық банк шығарған өз UnionPay картасынан Kaspi Gold-қа ақша аударуға болады.
Жаңа аударымдар туралы толық ақпарат Kaspi Гид сервисінде қолжетімді.
UnionPay — қытайлық төлем жүйесі, әлемде оның 9 млрд-тан астам картасы шығарылған. Олар Қазақстанды қоса алғанда 183 елде қабылданады.