Бірыңғай QR-код арқылы төлем қабылдау үшін жалпы комиссия 1,25 % құрайды. Осы сомадан 0,05 % Ұлттық төлем корпорациясы шығындарды жабу және инфрақұрылымды дамыту үшін алады. Бизнес үшін бірыңғай QR пайдалануға қосымша төлем енгізілген жоқ.
Сүлейменов бірыңғай QR — бұл қосымша мүмкіндік, міндетті ауыстыру емес екенін атап өтті. Сатып алушы мен сатушы таңдауды сақтайды: қолма-қол ақша, карта немесе кез келген банктің QR.
Регулятор банк комиссияларының мөлшерін тікелей белгілеуге өкілеттігі жоқ. Алайда Ұлттық банк банктермен бірлесіп, екінші деңгейдегі барлық банктер қатысатын тарифтік кеңес арқылы оларды біртіндеп төмендету бойынша жұмыс істеуді көздеп отыр.
Межбанктік жүйе жұмысының алғашқы аптасында шамамен 1 млн транзакция өңделді. 19 шілдеден бастап жүйеге қатысу екінші деңгейдегі барлық банктер үшін міндетті болды. Сатып алушылар үшін төлемдер тегін қалады.