Қазақстанда зейнетақы жинақтарының ең төменгі жеткіліктілік шегі есептелетін әдістеме жаңартылуда. Тиісті қаулыға премьер-министр Олжас Бектенов қол қойды.
Ең төменгі жеткіліктілік шегі салымшы белгілі бір жағдайларда зейнетақы қаражатының бір бөлігіне иелік ете алатын жинақ сомасын айқындайды. Оны есептеудің жаңартылған тәртібі маусымнан бастап күшіне енеді.
Үкіметте әдістемені қайта қарау шектің мөлшерін зейнетақы жүйесінің нақты параметрлерімен дәлірек байланыстыруға бағытталғанын атап өтеді.