Өткен жылдың қорытындысы бойынша Шымкенттің жалпы өңірлік өнімі 5,7 трлн теңгені құрап, 11%-ға өсті. Қала осы көрсеткіштің өсу қарқыны бойынша өңірлер арасында екінші орынды иеленді.
2025 жылы экономикаға 859,5 млрд теңге инвестиция тартылды, оның 72%-ы — жеке қаражат. Инвестициялардың жалпы өсімі 7,5%-ды құрады.
Өнеркәсіп және кәсіпкерлік
Үш жыл ішінде өнеркәсіпте 170 млрд теңгеге 50 жоба іске қосылды. Бұл 3,5 мыңнан астам жұмыс орнын құруға мүмкіндік берді. Белсенді кәсіпкерлік субъектілерінің саны 133 мыңға дейін өсті, ал олардың өнім көлемі 4,7 трлн теңгеге жетті. Кәсіпкерлердің ЖӨӨ-дегі үлесі 41-ден 56%-ға дейін артты.
Ағымдағы динамика
2026 жылдың алғашқы төрт айында қысқа мерзімді экономикалық индикатор 10,4%-ға өсті. Өнеркәсіпте, құрылыста, саудада және көлікте оң динамика сақталуда.
Әлеуметтік нысандар және цифрландыру
Қалада 200 орындық перинаталдық орталық пен 150 орындық оңалту орталығының құрылысы жалғасуда. 35 мың көрерменге арналған жаңа стадион және паралимпиадалық және сурдлимпиадалық спорт түрлеріне арналған кешен салынуда. Білім беру, денсаулық сақтау және ТКШ салаларында жасанды интеллект енгізілуде.
Мемлекет басшысы қаланың одан әрі дамуы және тұрғындардың өмір сүру сапасын арттыру бойынша тапсырмалар берді.