Бұл шара су шаруашылығы нысандарын қауіпсіз пайдалануды және су ресурстарын тиімді пайдалануды қамтамасыз етуге бағытталған. Жұмыс орындарын құру өңірлерде, әсіресе ауылдық жерлерде тұрмыс жағдайын жақсартуға тиіс.
Кадрлар тарту және оқыту
Саланың дамуы жаңа білікті кадрларды тартуға мүмкіндік береді. Қазір су мамандықтары бойынша 2,7 мыңға жуық студент оқиды. «Қазсушар» РМК филиалдарында өндірістік тәжірибеден өтіп жатқан оқушылар саны артып келеді. Сала қызметкерлерінің жалақысын арттыру шаралары жыл сайын қабылданады, деп атап өтті министр Нұржан Нұржигитов.
Нысандарды салу және реконструкциялау
2024 жылы бекітілген су саласын дамытудың кешенді жоспары 42 жаңа су қоймасын салу мен 37 қолданыстағы су қоймасын реконструкциялауды, сондай-ақ 14,5 мың шақырым каналды жаңғыртуды көздейді. Үш жаңа су қоймасының құрылысы басталды. Түркістан облысында екі нысанның салынуы аяқталуға жақын. Тағы екі су қоймасына жобалық құжаттама дайындалды, 13 нысанға құжаттар әзірленуде.
Бес су қоймасы реконструкцияланды. Сегіз су қоймасын реконструкциялауға жобалық құжаттама әзірлеу аяқталды, 18 нысан бойынша құжаттар дайындалуда.
Каналдарды жаңғырту
2024–2025 жылдары шамамен 1,5 мың шақырым канал реконструкцияланып, жаңғыртылды. Жыл соңына дейін 962 шақырым каналды пайдалануға беру жоспарлануда. Бұл шамамен 200 мың гектар суармалы жердің сумен қамтамасыз етілуін жақсартады.