Сату жекешелендіру аясында e-kazyna электрондық порталы арқылы жүзеге асырылады. Соңғы алты жылда мұндай сауда-саттықтан бюджетке бес миллиард теңгеден астам қаражат түсті, ол кейін Ұлттық қорға аударылады.
Аукционға қажеттілігі жойылған, ұзақ уақыт пайдаланылған немесе күтіп-ұстау экономикалық тұрғыдан тиімсіз болған көліктер шығарылады. 1 мамырдағы жағдай бойынша 183 осындай автокөлік саудаға қойылған.
Аукциондарға Қазақстан азаматтары мен мемлекеттік емес заңды тұлғалар қатыса алады. Ол үшін порталда тіркеліп, лоттың бастапқы бағасының 15 пайызы мөлшерінде кепілдік жарна енгізу қажет. Қатысушылар туралы ақпарат сауда аяқталғанға дейін жабық қалады, ал жеңімпазды жүйе автоматты түрде анықтайды.
Бұған дейін e-qazyna.kz алаңында Перизат Қайратқа тиесілі Mercedes-Benz S450 сатылған.