Зерттеулерді Сәтбаев атындағы ҚазҰТУ қолданбалы гидрогеология ғылыми-зерттеу орталығы Kazenergy Ассоциациясы бекіткен бағдарлама және Су ресурстары және ирригация министрлігінің тапсырмасы бойынша жүргізді.
Далалық жұмыстар 2024–2025 жылдары төрт маусым бойы жүргізілді. Мамандар топырақ, өсімдік, қар және жер үсті суларының сынамаларын алды, сондай-ақ 1280 химиялық талдау, оның ішінде 361 жер асты су сынамасын мұнай өнімдері, ауыр металдар және басқа заттардың құрамына жасады.
Мұнай-газ өндірудің техногендік әсері өндірістік алаңдармен шектелген және массив аумағының шамамен 11 %-ын қамтиды. Қалған 89 %-ы табиғи күйінде сақталған.
Зерттеу қорытындысы бойынша жер асты суларының химиялық құрамы ауыз су нормаларына сәйкес келеді. Мұнай өнімдерімен қоса жүйелі ластану анықталмады. Топырақтың жекелеген учаскелерінде табылған мұнай өнімдері аэрация аймағының жыныстарының төмен сүзгіштік қабілетіне байланысты сулы горизонттарға енбеген.