Қанатбек Жайсанбаев 1980 жылғы 8 ақпанда дүниеге келген. 2000 жылы ол Қазақ мемлекеттік заң академиясын заңгер мамандығы бойынша бітірді, ал 2012 жылы Т. Рысқұлов атындағы Қазақ экономикалық университетінде экономика және бизнес бакалавры дәрежесін алды.
Еңбек қызметін 2000 жылы Қазақ мемлекеттік заң академиясының Қызылорда филиалында оқытушы болып бастады. Кейін Қызылорда облысының сот әкімшілігі жүйесінде, облыс әкімі аппаратында және Төтенше жағдайлар министрлігінде жұмыс істеді.
2008 жылдан 2016 жылға дейін Қызылорда облысы әкімі аппараты басшысының орынбасары және басшысы лауазымдарын атқарды. 2016 жылғы қазаннан бастап Президент Әкімшілігіне ауысып, мемлекеттік инспектор және бөлім меңгерушісінің орынбасары болып жұмыс істеді.
2021 жылғы сәуірде оны мемлекеттік бақылау және ұйымдастыру-аумақтық жұмыс бөлімінің меңгерушісі етіп тағайындады. 2022 жылғы желтоқсаннан бастап Президенттің көмекшісі — өтініштерді қарауды бақылау бөлімінің меңгерушісі қызметін атқарды, ал 2023 жылғы 1 қыркүйектен бастап осы бөлімнің меңгерушісі болды.
Қанатбек Жайсанбаев «Құрмет» және «Парасат» ордендерімен, сондай-ақ естелік медальдармен марапатталған.