Қазақстан 1992 жылдан бастап Ядролық зерттеулердің біріккен институтының жұмысына қатысады. 1956 жылы құрылған институт ядролық физика және жоғары энергиялар физикасы саласындағы іргелі және қолданбалы зерттеулермен айналысады.
Кездесуде ынтымақтастық перспективалары, кадрларды даярлау және ортақ зерттеу жобаларын іске асыру қаралды. Аида Балаева институтты 70 жылдығымен құттықтап, оның әлемдік ғылымға қосқан үлесін атап өтті.
Қазақстандық мамандар ОИЯИ-дің зерттеу инфрақұрылымына қол жеткізеді, халықаралық жобаларға қатысады және біліктілігін арттырады. Республиканың ұлттық тобында қазір 84 адам бар — бұл саны жағынан екінші команда.
Келіссөздер қорытындысы бойынша тараптар байланыстарды нығайтуға және жаңа бірлескен бастамаларды іске қосуға дайын екендіктерін білдірді.