2 маусымда Атырау облысының «Құрманғазы» өткізу пунктінде Қазақстан азаматшасының багажын тексеру кезінде 299,6 мың АҚШ доллары табылып, тәркіленді.
Келесі күні Жамбыл облысының шекара учаскесінде әскери қызметшілер алты шетел азаматын ұстады. Олар шекара арқылы 102,5 миллион ресей рублін жасырын өткізуге тырысқан.
Екі жағдай бойынша материалдар құзыретті органдарға берілді.
ҚР ҰҚК Шекара қызметінде еске салды: Қазақстан заңы бойынша шетел валютасындағы қолма-қол ақша мен ақша құралдарын 10 мың АҚШ долларына баламадан артық сомада әкетуге тыйым салынады.