GREEN ECO кәсіпорнында химиялық заттар, тыңайтқыштар және пестицидтер қолданбай өнім өсіріледі. Мұнда 160 адам жұмыс істейді, ал тауар Қазақстанның он қаласына жеткізіледі.
Мемлекет басшысы «Лукоморье» питомнигінің жұмысымен де танысты. Бұл елдегі ең ірі бақша орталығы, ол автоматтандырудың арқасында жыл сайын 1,5 миллионға дейін ағаш, сәндік бұта және гүл шығарады.
Питомник өніміне Қазақстанның барлық ірі қалаларында сұраныс бар және ол Өзбекстан мен Қырғызстанға жеткізіледі.
Президентке Turanga сәндік өсімдіктер питомнигін құру жоспарлары туралы айтылды. Онда шамамен 130 мың ағаш және 3,5 миллион бұта өсіру көзделіп отыр.
Қасым-Жомарт Токаевтың Алматы облысына жұмыс сапары Алатау қаласының даму презентациясынан басталды.