Форум 50 елдің өкілдерін жинады және Ляонин провинциясының әлеуетіне арналды. Пленарлық отырыста Нәрімән Төреғалиев аймақта қытайлық компаниялар жүзеге асырып жатқан жобалар туралы айтты: сұйық метанол мен цемент өндіру зауыттары, газтурбиналық және жел электр станциялары.
Әкім Батыс Қазақстан облысы «Бір белдеу — бір жол» бастамасының маңызды транзиттік торабы болып табылатынын атап өтті. Өткен жылы облыстың Қытаймен тауар айналымы бір жарым есе өсіп, 175 млн долларды құрады. Тараптар инновация, жасанды интеллект және өңдеу өнеркәсібі саласындағы ынтымақтастықты дамытуға дайын.
Ляонин провинциясының қалалары әлемнің 96 қаласымен бауырлас қалалар байланысын орнатқан. Енді бұл тізімге Орал қосылды. Құжат сауда-экономикалық, ғылыми-техникалық, мәдени-спорттық және басқа салаларда тұрақты өзара әрекеттесуді қарастырады.