«АзияПромБез» ЖШС-не тексеру нәтижесінде компания 43 250 теңге айыппұл алды. Оның аттестатының әрекеті бір айға — 2026 жылғы 8 шілдеге дейін тоқтатылды.
Басқарма 2025 жылғы 11 қыркүйектегі емтихан комиссиясының хаттамасын жарамсыз деп тануға және берілген куәліктерді жоюға өкілеттігі жоқ екенін түсіндірді. Заңнамада мұндай жағдайларда лауазымды тұлғаларға ҚР ӘҚБтК-нің 299-бабы бойынша әкімшілік жауапкершілік қарастырылмаған.
2024 жылғы қыркүйектен бастап өнеркәсіптік қауіпсіздік саласындағы жұмыстарға аттестат беру рәсімі қатаңдатылды. 2026 жылғы 1 қаңтардан бастап берілген аттестаттар бойынша ұйымдардың талаптарға сәйкестігін тексеруге мүмкіндік беретін түзетулер күшіне енді. 2026–2028 жылдарға арналған тексеру кестесі бекітілді.
Куәгерлердің айғақтары
Сотталушылардың бірінің адвокаты АЗС операторлары мен кассирлері өнеркәсіптік қауіпсіздік бойынша оқыту іс жүзінде өткізілмегенін растады. Бұл ретте қызметкерлерге курстардан өткені және емтихан тапсырғаны туралы куәліктер берілген. Жұмысқа жіберілгендердің арасында өнеркәсіптік қауіпсіздік саласындағы бейінді білімі бар бірде-бір маман болмаған.
Судья Асель Ильясова куәгерлерді тыңдауды аяқтады. Келесі отырыс 29 шілдеге тағайындалды — онда жазбаша дәлелдемелер зерттеледі.
Істің мән-жайы
26-27 ақпанға қараған түні Щучинскідегі «Центр плова» кафесінде газ баллоны жарылып, 12 адам қаза тапты. Осы факт бойынша қылмыстық іс қозғалып, кафенің иесі ұсталды. Тергеу аяқталып, материалдар сотқа жіберілді.