Оперативті-іздестіру шараларын Түркістан облысы бойынша экономикалық тергеу департаменті жүргізді. Қызметкерлер жалпы ауданы 500 шаршы метрден асатын объектілерден цехтарды тапты.
Өндірісте күн сайын шамамен 20 адам жұмыс істеді. Дайын өнімдерді елдің әртүрлі аймақтарына үнемі жөнелтіп отырды.
Тінту барысында миллионнан астам дайын бұйым, 30 тонна темекі, екі миллион орау материалдары, хош иістер, химиялық қоспалар және жабдықтар тәркіленді.
Мамандардың бағалауы бойынша, тәркіленген шикізаттан шамамен 60 миллион бір реттік түтінсіз темекі бұйымдарын шығаруға болар еді.
Сот күдіктілердің қылмыстық жолмен алған кірістеріне шектеу қойды. ҚР ҚК 301-1-бабының 2-бөлігі бойынша қылмыстық істер сотта қаралды.