Қазақстан. Алматы. «Шарын» — Америкадағыдай каньон?

Шарын шатқалы Шарын өзенінің бойымен 154 км-ге созылып жатыр. Шарын шатқалы Алматыдан 195 км шығысқа қарай, Қытаймен шекараға жақын жерде орналасқан. Шатқал Шарын ұлттық паркінің аумағына кіреді. Тік жартастардың биіктігі үш жүз метрге жетеді. Шарын шатқалы — табиғаттың бірегей ескерткіштерінің бірі, ол шөгінді тау жыныстарының мың жылдық үгілу үдерістерінің әсерінен пайда болған. Туристер үшін ең қызықты орын — ұзындығы 2 км, ені 20-дан 80 м-ге дейінгі Сарайлар аңғары. Шатқалда сіз реликтілі түрдегі шағанның тоғайын көре аласыз, мұндай тоғай тек Солтүстік Америкада ғана бар. Сондай-ақ үлкен қызығушылықты тұраңғы тоғайы — азиялық терек тоғайы тудырады. Шатқалдың ландшафттық алуандығы флора мен фаунаның сан түрлілігін көрсетеді. Шарын шатқалын сұлулығы жағынан Солтүстік Америкадағы Колорадоның Үлкен шатқалымен салыстыруға болады, сондықтан шатқалдың сұлулығын көру үшін Америкаға бару міндетті емес.

Жолда өтетін уақыт: бір жаққа 4 сағат Тур құнына кіреді: көлік қызметі, гид-экскурсовод қызметтері. Ерекшеліктері: сапарға өзіңізбен бірге алу қажет: күннен қорғану құралдары (көзілдірік, бас киім, күннен қорғайтын крем), тамақ (құрғақ азық немесе ланч-бокс, бір адамға кемінде 1,5-2 литр ішетін су), жүруге ыңғайлы аяқ киім. Автобусқа отыру орны: таңғы 7-30, Байтұрсынов көшесі бойымен (бұрынғы Космонавтов көшесі), Сәтбаев көшесі мен Абай даңғылының арасында.