Алматыда үш қалалық автобустың қозғалыс схемалары уақытша өзгереді. Бұл туралы қалалық көлік холдингінің баспасөз қызметі хабарлады.
Компанияның деректері бойынша, өзгерістер 30 мамырдан бастап енгізіледі және Дәулеткерей көшесіндегі жол жұмыстарына байланысты.
«30 мамырдан бастап Дәулеткерей көшесінде асфальтбетон төсемесін төсеуге байланысты № 44, № 50 және № 250 бағыттарының қозғалыс схемалары — жұмыс аяқталғанға дейін — уақытша өзгереді», — деп түсіндірді холдингте.
Қала әкімдігінде Дәулеткерей көшесінің осы учаскесінде көлік қозғалысы уақытша шектелетінін нақтылады.