Бибигүл Төлегенова атындағы Креативті мектеп жанындағы Nomadic Guardians командасының оқушылары инженерлік есеп үшін жоғары баға алды. Қазылар алқасы олардың Technical Design Report-ын 94-тен 88 балл қойды.
Бұл номинацияда әлемнің түкпір-түкпірінен 210-нан астам команда бақ сынасты. Қазақстандықтар ондаған мықты бәсекелестерді артта қалдырып, 15-орынмен мәреге жетті.
Команда құрамына Ерсултан Мұқатай, Даяна Жұмахан, Амина Ұмұрзақова, Әдел Бауыржанова, Әмірхан Елубай, Ярослав Врублевский, Азат Орал, Малика Нұғиева және Алихан Мұхтарұлы кірді. Дайындықты Шыңғыс Ахметұлаев, Анель Сауданбекова және Дарын Ибраев жаттықтырушылар басқарды.
Команда АҚШ-тағы финалға қатысу құқығын ОАЭ-де өткен SeaPerch West Asia аймақтық кубогын жеңіп алғанда алды. Қазақстандықтар жоғары санатта бірінші орынды иеленді.