Бұған дейін адамдар әлеуметтік желілерде жарық пен судың өшірілгеніне шағымданған. Электр қуаты болмағандықтан су алу ұңғымалары мен сорғы станциялары тоқтап қалған.
Себеп жеке компаниялардың энергетика алдындағы қарызы болды. Ең ірі қарыз — 1,1 млрд теңгеден астам — ауданның бірнеше елді мекеніндегі коммуналдық инфрақұрылымды қамтамасыз еткен «BeyAzh Trans» ЖШС-де жинақталған.
Кеңесте не шешілді
Тұрғындардың өтініштерінен кейін әкімдікте шұғыл кеңес өткізілді. Тараптар барлық өшірілген абоненттерге электр қуатын қайта қосуға келісті. Аудандағы жарық 10 маусымда толық қайтарылды.
Жаңа өшірулердің алдын алу шаралары
«Асыл Арман», «Алтын Ауыл» және «Өмірзақ» тұрғын үй кешендерінің электр желілері «Алатау Жарық Компаниясы» АҚ-ның сенімгерлік басқаруына берілді. Тұрғындар жеке лицевой шоттар арқылы тікелей төлей алады.
Сумен жабдықтау жүйелері Қарасай ауданы әкімінің өкімімен «Таусамалы қызмет» КМК балансына берілді. «BeyAzh Trans» ЖШС қызмет көрсеткен басқа елді мекендердегі электр желілерін беру жұмыстары жалғасуда.
Компанияның қарызын заң аясында мүлкін өндіріп алу және сату арқылы өтейтін болады.