Астанада мүгедектік бойынша жәрдемақыларды тағайындаудың проактивті форматы енгізілді. Еңбек және халықты әлеуметтік қорғау министрлігінің ақпараттық жүйесі әлеуетті алушыларды өзі анықтап, оларға SMS жібереді.
Азаматқа тек келісімін растау қажет. Осыдан кейін жүйе мемлекеттік ақпараттық ресурстар арқылы деректерді тексереді және департамент мамандарының немесе ХҚКО қызметкерлерінің қатысуынсыз шешім қабылдайды.
Қызмет көрсету мерзімі бір жұмыс күніне дейін қысқарды. Алты ай ішінде осылайша 400-ден астам мүгедектік жәрдемақысы тағайындалды.
Асқар Аймағамбетовтің айтуынша, цифрландыру адам факторының әсерін жоюға және процесті ашық етуге көмектеседі.