Емтиханға смартфон, смарт-көзілдірік, микроқұлаққап, шпаргалка және басқа да тыйым салынған заттарды алып кіруге әрекеттенгені үшін 168 абитуриент емтиханнан шеттетілді. Тағы 115 адам тестілеу кезінде ереже бұзғаны үшін аудиториядан шығарылды, олардың нәтижелері жойылды. Жалған тұлғалардың жағдайы анықталмады.
Үшінші аптаның қорытындысы бойынша қатысушылардың 67%-ы шекті балл жинады. Бес пән бойынша орташа нәтиже 65 баллды құрады. Максималды — 140 баллды — Павлодар облысынан Асет Альтаир көрсетті.
Тестілеуге ерекше білім беру қажеттіліктері бар 392 абитуриент қатысты. Олар үшін қосымша қолайлы жағдайлар жасалуда.
Тапсырмалардың мазмұны бойынша апелляцияны тесттен кейін 30 минут ішінде беруге болады. Техникалық себептер бойынша шағымдар емтихан кезінде тікелей қабылданады. Өтініштер қаралғаннан кейін сертификаттар жеке кабинеттерде пайда болады.
ҰБТ-2026 аяқталғаннан кейін бейнежазбаларды талдау 31 қазанға дейін жалғасады. Бұзушылықтар анықталған жағдайда нәтижелер жойылады.
Тестілеуге қатысуға шамамен 240 мың адам өтініш берді. Екі әрекетті ескере отырып, 446 мыңнан астам өтініш қабылданды.
Бұған дейін Ғылым және жоғары білім министрлігінде жоғары балл үшін абитуриенттерге автомобиль, пәтер және смартфон уәде ететін дайындық орталықтарының жұмысына түсініктеме берілді.