Қазақстанның жасөспірімдер құрамасы Азия чемпионатын 14 медальмен аяқтады. Команданың қоржынында үш алтын, төрт күміс және жеті қола медаль бар.
Еркін күрес
Әділет Рысбай 71 кг-ға дейінгі салмақ дәрежесінде жеңіске жетті. Мардан Орынбасаров 60 кг-ға дейінгі салмақта күміс алды. Қола жүлдегерлер: Сабыржан Рахатов (51 кг-ға дейін), Темиргали Мурат (55 кг-ға дейін), Әділбек Ерболатов (80 кг-ға дейін) және Нұрислам Айтуған (92 кг-ға дейін).
Грек-рим күресі
Қуанышбек Жаңажол мен Мирас Махамбет тиісінше 51 кг және 65 кг салмақ дәрежелерінде чемпион атанды. Арыстан Темиргали 110 кг-ға дейінгі салмақта күміс алды. Қола медальдерді Әли Алмас (45 кг-ға дейін) және Датқа Лесбек (48 кг-ға дейін) жеңіп алды.
Әйелдер күресі
Күміс медальдерді Инжу Баққожа (46 кг-ға дейін) және Арайлым Көпжасар (53 кг-ға дейін) жеңіп алды. Аяна Мейнамбай 49 кг-ға дейінгі салмақ дәрежесінде үшінші орынға ие болды.