D тобында «Номад» даттық «Херлев Иглз» және итальяндық «Азиаго» клубтарымен ойнайды. Топтың төртінші қатысушысы іріктеудің бірінші раундының қорытындысы бойынша белгілі болады, онда эстондық «Виру Спутник», венгерлік «Бьяк», хорваттық «Загреб» және румындық «Брашов» командалары өнер көрсетеді.
D тобының матчтары 13-15 қараша аралығында өтеді. Финалдық раундқа шығу үшін «Номадқа» төрттікте соңғы орыннан басқа кез келген орынды иелену жеткілікті.
Финалда D тобының үздік үш командасы C тобының үш мықты клубымен дөңгелек турнир өткізеді.
«Номад» 2024 жылы IIHF Континентал кубогын жеңіп алған болатын. Ол кезде команда құрамында бірде-бір легионер болмаған — барлық ойыншылар қазақстандық хоккей мектебін ұсынған.
Клуб қазақстандық хоккей тарихында бұл турнирдің екінші жеңімпазы атанды. Бірінші болып 2019 жылы Көкшетаулық «Арлан» жеңіске жеткен.