Әңгіменің басында Мұрат Шәріпов ЕНПФ тарихы мен мақсаты туралы еске салды. Қазақстандағы жинақтаушы зейнетақы жүйесі 28 жылдан астам уақыт жұмыс істеп келеді. Азаматтар табысының 10 пайызын қорға аударуға міндетті, және бұл қаражат зейнеткерлік жастан кейінгі өмірге арналған.
Жинақтарды мерзімінен бұрын пайдалануға рұқсат беруге әсер еткен факторлардың бірі COVID-19 пандемиясының салдары болды. 2021 жылы коронавирус пандемиясынан кейін бірқатар елдер зейнетақы жинақтарын дағдарысқа қарсы шара ретінде қолданды. Осы тәжірибені ескере отырып, Қазақстанда да адамдарға қаражаттың бір бөлігін тұрғын үй жағдайын жақсартуға немесе медициналық көмекке бағыттау мүмкіндігі берілді.
Шәріповтың айтуынша, шешім пандемия кезінде көптеген адамдар жұмысынан айырылып, несие бойынша қиындықтарға тап болып, денсаулығы нашарлағандықтан қабылданды. Бұған дейін Ұлттық банк төрағасы зейнетақы жүйесін банк депозиті ретінде қарастырмау керектігін атап өткен.