«Медеу»

Алматыда болып, Медеуге бармау мүмкін емес. Қаладан бірнеше шақырым жерде сізді биік таулы Медеу мұз айдыны күтіп тұр."Медеу" — теңіз деңгейінен 1691 метр биіктікте, Медеу тау шатқалында салынған спорт кешені. Оның ауданы 10 мың шаршы метрді құрайды.Медеу — қысқы спорт түрлеріне арналған әлемдегі ең ірі биік таулы кешен, қазіргі уақытта ол ең жоғары әлемдік стандарттарға сай келеді. Шатқалдағы жұмсақ климат, күн радиациясының оңтайлы деңгейі, төмен атмосфералық қысым — осының бәрі мұз айдынының кеңінен танымал болуын қамтамасыз етеді.Мұзды қатыру жүйесінің әлемде баламасы жоқ және мұз айдынының мұз бетін жылына 8 ай бойы сақтап тұруға мүмкіндік береді. "Медеу" қазаннан мамырға дейін жұмыс істейді.