Алаңда құрылыс-монтаждау жұмыстары басталып кетті. Зауыттың құрылысын аяқтап, пайдалануға беру 2029 жылы жоспарлануда.
Инвестор кемінде 400 тұрақты жұмыс орнын құруды, қазақстандық мамандарды оқытуды және заманауи технологияларды беруді міндетіне алады. 2028 жылдан 2038 жылға дейін компания Алматы облысындағы әлеуметтік жобаларға жыл сайын шамамен 50 млн теңге бағыттайтын болады.
Мемлекеттің қолдауы
Ауыл шаруашылығы министрі Айдарбек Сапаров жобаның мемлекет басшысының өңделген өнім үлесін арттыру жөніндегі міндетіне сәйкес келетінін атап өтті. 2025 жылы елде ірімшік пен сүзбе өндірісі 13,1%-ға өсті. Үкімет инвесторға инженерлік инфрақұрылымды қосуды қоса алғанда, преференциялар пакетін ұсынуға дайын.
Ирандық компанияның жоспарлары
Инвестор өкілі Голам Али Сулеймани Қазақстанды ұзақ мерзімді стратегиялық серіктес ретінде қарастырып отырғанын мәлімдеді. Ірімшік зауытынан бөлек, компания картоп өңдеу және балалар тағамын өндіру бойынша жаңа жобалардың мүмкіндіктерін зерттеп жатыр.