Перизат Қайраттың саудада сатылмаған автокөліктері мемлекеттік органдарға берілді. Әділбековтің айтуынша, мұндай шара бюджет қаражатын үнемдеуге мүмкіндік береді — ведомстволар жаңа көлік сатып алудың орнына дайын машиналар алады.
Тәркіленген мүлік мемлекеттің меншігіне өтеді. Комитет және оның аумақтық бөлімшелері оны мемлекеттік заңды тұлғаларға бекітеді. Тұрғын үй қоры әкімдіктерге беріледі, олар бөлу мәселелерін өздері шешеді.
Әділбеков Перизат Қайраттың бір автокөлігінің құқық қорғау органдарына бекітілгенін растады.
Үкім және тәркіленген мүлік
2025 жылғы 25 шілдеде Астана соты Перизат Қайратты мүлкін тәркілей отырып, 10 жылға бас бостандығынан айырды. Оның анасы Ғайни Алашбаева 7 жылға бас бостандығынан айырылды, мүлкі тәркіленді.
Іс бойынша 2021 жылдан 2024 жылға дейін олар қайырымдылық түрінде қайыр-садақа жинап, 3,5 млрд теңге ұрлаған. Тәркіленгендердің қатарында Vela Village-дегі жеке үй, Алматы мен Астанадағы бірнеше тұрғын үй кешендеріндегі пәтерлер, Mercedes-Benz, Lexus және Haval маркалы төрт автокөлік, «Rebel Flowers» ЖШС-дегі үлес, сондай-ақ ақша қаражаты бар.