Облыс прокуроры Ризабек Ожаров қайтарылған жерлердің жалпы ауданы 26 мың гектарды құрағанын хабарлады. Олардың кадастрлық құны 640 миллион теңге деп бағаланады.
Сонымен қатар, коммерциялық мақсаттағы 180-ге жуық игерілмеген учаскелер анықталды. Уәкілетті органдарға олар бойынша шаралар қабылдау тапсырылды.
Қоршаған ортаны қорғау саласында 28 қадағалау актісі енгізіліп, бюджетке 1,4 миллиард теңге өндірілді.
Кадастрлық құны 2,8 миллион теңге болатын алты су қоймасы да мемлекетке қайтарылды. Уран өңдеу зауыттарының жұмысын талдау қорытындысы бойынша оларға 5,4 миллиард теңге мөлшерінде айыппұл салынды.
Тексеру нәтижелері бойынша 16 қызметкер тәртіптік жауапкершілікке тартылды.