Министрдің сөзінше, ел тұрғындары табиғатта демалуды жиі таңдап, жаяу маршруттар мен этнотуризмге басымдық береді. Ұлттық парктер ең танымал бағыт болып қала береді.
Маршруттар және даму жоспарлары
Ұлттық парктерде қазір 179 туристік маршрут және 42 экологиялық соқпақ жұмыс істейді. 13 парк үшін экотуризмді дамыту тұжырымдамалары мен бас жоспарлар дайындалды.
Цифрландыру және төлем
Алты паркте 14 бақылау-өткізу пункті автоматтандырылды. Биылғы жылы сегіз аумақтағы тағы 11 пункт жаңғыртылады. Барлық ұлттық парктер банк қызметтері арқылы онлайн төлемге қосылды — сайттарда QR-кодтар орналастырылған.
«Таза туризм» бағдарламасы
Бағдарлама аясында парктерде 179 контейнер және қалдықтарды бөлек жинауға арналған 81 урна орнатылды, 170 ақпараттық баннер және жеті фандомат орналастырылды. Келушілерге қоқысты өз бетінше шығару үшін биологиялық ыдырайтын пакеттер беріледі.
Биыл бағдарлама Қатонқарағай, Буйратау, Ұлытау, Жоңғар-Алатау және Тарбағатай парктеріне таратылады.